Homeசெய்திகள்உலக செய்திகள்அமெரிக்க விமானத்தில் இருந்து கீழே விழுந்து இறந்த கால்பந்து வீரர்!!

அமெரிக்க விமானத்தில் இருந்து கீழே விழுந்து இறந்த கால்பந்து வீரர்!!

காபூல் விமான நிலையத்திலிருந்து கிளம்பிய அமெரிக்க அரசுக்குச் சொந்தமான விமானத்தைப் பிடித்து தொங்கிக்கொண்டு ஆப்கானிஸ்தானிலிருந்து வெளியேற முயன்ற இளம் கால்பந்தாட்ட வீரர் ஒருவர் கீழே விழுந்து உயிரிழந்ததை ஆப்கானிஸ்தான் அதிகாரிகள் உறுதிப்படுத்தியுள்ளனர்.

19 வயதான சாக்கி அன்வரி ஆப்கானிஸ்தான் தேசிய ஜூனியர் கால்பந்து அணிக்காக விளையாடி வந்தவர்.

அவர் எப்பொழுது உயிரிழந்தார் என்பது குறித்த மேலதிக தகவல்கள் ஆப்கானிஸ்தான் அதிகாரிகளால் வெளியிடப்படவில்லை.

ஆப்கானிஸ்தானில் மீண்டும் தாலிபன்கள் ஆட்சி அதிகாரத்தை கைப்பற்றிய பின்னர் மேற்கத்திய நாடுகள் ஆப்கானிஸ்தானில் இருக்கும் தங்கள் குடிமக்கள் மற்றும் தங்களுடன் இணைந்து பணியாற்றிய ஆப்கானியர்கள் ஆகியோரை நாட்டிலிருந்து வெளியேற்றுவதில் மும்முரம் காட்டி வருகின்றன.

அதே விமானங்கள் மூலம் தாங்களும் நாட்டை விட்டு தப்பிச் செல்வதற்காக ஆயிரக்கணக்கான ஆப்கானியர்கள் காபூல் விமான நிலையத்தில் குவிந்து வருகின்றனர்.

Leave a comment